Регионална конференција во огранизација на IGU, Краков, Полска, 2014
оригинално објавено на: 26.9.2014
Од 18 до 22 август оваа година, во организација на Интернационалната Географска унија беше реализирана Регионална конференција во Краков, Полска. Конференцијата на тема Changes, Challenges, Responsibility имаше главна цел да создаде место за дискусија на 1400 учесници од 65 земји од светот, кои сакаат да допринесат за подобро разбирање на можностите и предизвиците со кои се соочува светот и географијата како нивна матична научна дисциплина. Регионалната Конференција беше организирана од осум географски истражувачки институции од Полска и се одвиваше на Јагелонскиот Универзитет кој воедно прославуваше 650 години од своето оснивање. Локалниот Организациски Комитет на конференцијата беше со седиште на Институтот за географија и Просторно Планирање на Јагелонскиот Универзитет, со што се продолжи традицијата од оснивањето на првата Катедра на географија во Полска уште во 1849 година. Институтот за географија, во духот на својата традиција и основна заложба, секогаш да придонесе да ја негува, развива и презентира географијата, оваа година повторно несебично овозможи учество на свои вработени на ова значајно географско збиднување. Поточно во програмата на конференцијата беа поместени два труда:
Mirjanka Madjevikj, Biljana Apostolovska Toshevska, Svemir Gorin, Marija Ljakoska: The regional differentiation of the demographic movements in the Republic of Macedonia
Biljana Apostolovska Toshevska, Mirjanka Madjevikj, Svemir Gorin, Ivan Radeski: The industry as a factor of transformation in the area of Skopje valley in the Republic of Macedonia.
Присуството и претставувањето беше голема чест како за авторите, така и за Институтот за географија, како матична куќа и колевка на географијата во Република Македонија во изминативе 90 години.
Автор: Проф. д-р Билјана Апостоловска Тошевска
