23 МАРТ – ОДБЕЛЕЖУВАЊЕ НА СВЕТСКИОТ ДЕН НА МЕТЕОРОЛОГИЈАТА
Светскиот ден на метеорологијата, се одбележува секој 23 март, и служи како потсетник за улогата што метеорологијата ја има во нашите животи. Основан од Светската метеоролошка организација (СМО) во 1950 година, овој ден го одбележува формирањето на самата СМО, нагласувајќи го значењето на метеорологијата и нејзините сродни науки во човековите активности. Од 1961 година, Светскиот ден на метеорологијата се одбележува на 23 март во знак на сеќавање на основањето на Светската метеоролошка организација. Слоганот на овогодинашниот Светски ден на Метеорологијата е „На првата линија на климатските активности“.
Важноста на Светскиот ден на метеорологијата ја нагласува основната вистина дека нашата атмосфера е динамична и во постојано движење, влијаејќи на временските обрасци низ целиот свет. За научниците ширум светот, овој ден ја симболизира соработката, иновативноста и посветеноста на разбирањето на сложеноста на атмосферата на Земјата. Метеорологијата, ја проучува атмосферата и нејзините феномени, опфаќа широк спектар на дисциплини, вклучувајќи климатологија, хидрологија и атмосферска физика. Научниците кои работат на овие полиња ги анализираат атмосферските податоци, моделираат сложени системи и развиваат алатки за предвидување клучни за прогнозирање на временските настани и за ублажување на природните катастрофи.
Без податоците собрани од Светската метеоролошка организација (СМО), точните дневни временски прогнози би биле невозможни. СМО игра клучна улога во придонесот за безбедноста и благосостојбата на луѓето. Нејзината работа обезбедува безбедност на храна, водни ресурси и транспорт. Метеоролошките податоци ни помагаат да ги следиме климатските штети, да ги планираме нашите денови и да предупредуваме за природни катастрофи.
Членките на СМО и нејзините партнери го водат целосниот вредносен циклус, од наука до услуги до акција за доброто на општеството. Го унапредува знаењето за нашиот систем на Земјата, ја следи состојбата на климата и водните ресурси, обезбедува научни информации за информирање за намалување на емисиите на стакленички гасови и обезбедува климатски услуги и рани предупредувања за поддршка на климатската адаптација.
Обединетите нации секоја година предлагаат одредена тема за подигање на свеста и промовирање на иновативни акции. Темите избрани за Светскиот ден на метеорологијата генерално ги одразуваат актуелните временски услови, климата или прашања поврзани со водата.
Референци:
– https://wmo.int/site/world-meteorological-day-2024
– https://www.undp.org/geneva/events/world-meteorological-day-2024-frontline-climate-action
– https://www.awarenessdays.com/awareness-days-calendar/world-meteorological-day-2024/
– https://www.careourearth.com/world-meteorological-day/
– https://www.oliveboard.in/blog/world-meteorological-day-2024/
– https://www.seeedstudio.com/blog/2024/03/21/world-meteorological-day-2024-at-the-frontline-of-climate-qction/
Автор:
Виш лаборант Кузманоски Арсе
